05 دسمبر ، 2021 
کچھ بھی خریدوں سب کہتے ہیں سلمان خان نے دلائی ہے: بہنوئی آیوش شرما
05 دسمبر ، 2021
بالی وڈ اداکار سلمان خان کے بہنوئی اور اداکار آیوش شرما دبنگ خان کی بہن سے شادی کے بعد پیش آنے والی مشکلات زبان پر لے آئے۔
بھارتی میڈیا کو دیے گئےانٹرویو میں آیوش شرما نے انکشاف کیا کہ بدقسمتی سے میری زندگی ایسی ہے جسے آپ ایک چھوٹی سی سرگرمی لے سکتے ہیں، اگر میں کار خریدوں تو کہا جاتا ہے کہ اوہ! یہ کار سلمان خان نے دلائی ہے، میں کچھ بھی کروں تو کہا جاتا ہے کہ یہ سلمان خان کی وجہ سے ہوا ہے۔
آیوش شرما نے مداحوں سے شکوہ کرتے ہوئے واضح کیا کہ میرے پاس بھی پیسے ہیں میں ایسے ہی آوارہ گردی نہیں کر رہا۔
سلمان خان کے بہنوئی کا مزید کہنا تھا کہ اب انہوں نے بھی ہر تنقید کو گلے لگانا سیکھ لیا ہے کیونکہ وہ ان تنقیدوں کو اپنی بہتری کے طور پر لیتے ہیں۔
آیوش شرماکے مطابق منفی تنقید سے انسان میں صحت مند جذبے پیدا ہوتے ہیں اور مجھے اب ہر تنقید پر خوشی ہوتی ہے کیونکہ مجھے لگتا ہے کہ میں بہت جلد ان تمام باتوں کو غلط ثابت کر دکھاؤں گا۔
