12 دسمبر ، 2021 
کترینہ وکی نے رسم حنا میں رقص کی نئی تصاویر شیئر کردی
12 دسمبر ، 2021
بالی وڈ اداکارہ کترینہ کیف اور اداکار وکی کوشل کی جانب سے شادی کے دوران لی گئی تصویروں کو مداحوں کے ساتھ شیئر کرنے کا سلسلہ جاری ہے۔
کچھ دیر قبل کترینہ اور وکی کے تصدیق شدہ اکاؤنٹس پر رسم حنا کے دوران فیملی کے دیگر افراد کے ساتھ لی گئی تصاویر شیئر کی گئی ہیں ۔
کترینہ کی جانب سے شیئر کی گئی تصاویر میں انہیں ملٹی شیڈڈ لہنگے میں ہاتھوں پر مہندی لگائے وکی کوشل سمیت فیملی کے دیگر افراد کے ساتھ رقص کرتے اور خوشگوار موڈ میں رسم حنا انجوائے کرتے دیکھا جاسکتا ہے۔
کترینہ کیف نے اپنی پوسٹ کو ایک پنجابی کیپشن دیتے ہوئے لکھا کہ ’مہندی تاں سجدی جے نچے سارا ٹبّر۔‘
دوسری جانب وکی کوشل نے بھی اپنے سوشل میڈیا اکاؤنٹ پر اپنی اور اہلیہ کترینہ کی رسمِ حنا کی کچھ تصویریں شیئر کی۔
شیئر کی گئی تصاویر میں وکی کوشل کو پیلے پھولوں سے کترینہ کیف کو پروپوز کرتے دیکھا گیا، ساتھ ہی ایک تصویر میں دیکھا جاسکتا ہے کہ وکی اور کترینہ کو چند لوگوں نے کاندھے پر اٹھایا ہوا ہے۔
اداکار نے بھی اپنی پوسٹ کا وہی پنجابی کیپشن لکھا جو اُن کی اہلیہ اداکارہ کترینہ کیف نے لکھا۔
مزید خبریں :
ماں کے ہندو ہونے کے باوجود اے آر رحمان نے اسلام کیوں قبول کیا؟
20 نومبر ، 2024
