13 دسمبر ، 2021 
پاکستان
اسلام آباد: گھر میں ڈکیتی، ملزمان پولیس کی گاڑی کو ٹکر مار کر فرار
13 دسمبر ، 2021
اسلام آباد کے ایف الیون تھری میں گھر میں ڈکیتی کی واردات کے بعد ملزمان پولیس کی گاڑی کو ٹکر مار کر فرار ہو گئے۔
پولیس کے مطابق ایف الیون تھری میں ڈکیتی کی اطلاع پر نفری پہنچی تو ملزمان نے فائرنگ شروع کر دی، فرار ہوتے ملزمان نے پولیس کی گاڑی کو بھی ٹکر ماری اور ڈاکو سرکاری گاڑی چھین کر فرار ہوئے۔
پولیس حکام کا کہنا ہے کہ ملزمان میرا آبادی میں روپوش ہو گئے جن کی تلاش جاری ہے، آئی جی اسلام آباد محمد احسن یونس پولیس ٹیم کی قیادت کررہے ہیں۔
