15 دسمبر ، 2021 
برطانیہ:اومی کرون کے پھیلاؤ کو روکنے کیلئے حکومتی اقدامات پارلیمنٹ سے منظور
15 دسمبر ، 2021
برطانیہ میں اومی کرون کے پھیلاؤ کو روکنے کے لیے حکومتی اقدامات کو پارلیمنٹ نے منظور کر لیا۔
کورونا کے جنوبی افریقی ویرینٹ کے پھیلاؤ کو روکنے کے لیے پیش کی گئی قرارداد کو حکمران جماعت کے 97 ارکان پارلیمنٹ کی مخالفت کے باوجود حکومت نے تمام بل منظور کرا لیے۔
پارلیمنٹ کی جانب سے منظور کی گئی قرارداد کے مطابق نائٹ کلبس اور بعض دیگر مقامات پر داخلے کے لیے ویکسی نیشن کا ثبوت یا کورونا کا منفی نتیجہ دکھانا ہو گا۔
حکمران جماعت کے 97 ارکان نے مخالفت کووڈ پاسپورٹ کے معاملے پر کی اور 2019 کے الیکشن کے بعد وزیراعظم بورس جانسن کو پارٹی ارکان کی طرف سے بڑی مخالفت کا سامنا کرنا پڑا۔
دوسری جانب برطانیہ نے آج سے تمام 11 ممالک کو سفری پابندیوں کی ریڈ لسٹ سے نکالنے کا اعلان کر دیا ہے۔
برطانوی وزیرِ صحت نے کہا کہ اومی کرون کے خطرے کو کم کرنے کے لیے سفری پابندیاں اب غیر مؤثر ہیں۔
مزید خبریں :
حزب اللہ کے راکٹ حملے میں اسرائیلی شہری ہلاک
22 نومبر ، 2024
چچا کے تھپڑ مارنے پر 3 سالہ بھتیجی جان سے چلی گئی
22 نومبر ، 2024
