16 دسمبر ، 2021 
ملک دیوالیہ ہوچکا، سابق چیئرمین ایف بی آر شبر زیدی
16 دسمبر ، 2021
فیڈرل بورڈ آف ریونیو (ایف بی آر) کے سابق چیئرمین شبر زیدی نے کہا ہے کہ ملک بڑا اچھا چل رہا ہے، ہم نے بڑی کامیابی حاصل کرلی ہے اور ہم تبدیلی لے آئے، یہ سب غلط ہے، میرے حساب سے ملک دیوالیہ ہوچکا ہے۔
ایک تقریب سے خطاب میں شبر زیدی کا کہنا تھاکہ ہم کہتے رہے ہیں کہ بہت اچھا ہے، بڑی اچھی چیزیں ہیں اور ملک بڑا اچھا چل رہا ہے، ہم نے بڑی کامیابی حاصل کرلی ہے اور تبدیلی لے آئے ہم مگر یہ سب غلط ہے۔
ان کا کہنا تھاکہ میری رائے کے مطابق اس وقت ملک دیوالیہ ہوچکا، اکاؤنٹنگ کی اصطلاح میں ملک دیوالیہ ہوچکا۔
شبر زیدی کا کہنا تھاکہ جب آپ یہ طے کرلیں کہ ہم دیوالیہ ہوچکے ہیں اور اس سے آگے ہمیں چلنا ہے، یہ زیادہ بہتر ہے بہ نسبت اس کے کہ آپ کہیں کہ ملک اچھا چل رہا ہے، میں یہ کردوں گا، میں وہ کردوں گا، یہ سب لوگوں کو دھوکا دینے والی باتیں ہیں۔
بعد میں سوشل میڈیا پر اپنے بیان میں شبر زیدی نے کہا کہ نجی یونیورسٹی میں ان کے بیان کو غلط رپورٹ کیا جارہا ہے۔
شبر زیدی کے مطابق انہوں نے صرف یہ بتایا تھا کہ موجودہ کرنٹ اکاؤنٹ اور مالی خسارے کے معاملات دیوالیہ جیسی تشویش ناک صورت حال ظاہر کر رہے ہیں۔
خیال رہے کہ شبر زیدی وزیراعظم عمران خان کی حکومت میں 10 مئی 2019 سے 8 اپریل 2020 تک چیئرمین ایف بی آر رہے۔
مزید خبریں :
ملکی زرمبادلہ کے ذخائر میں اضافہ ہوگیا
28 نومبر ، 2024
سونے کی قیمت میں کمی، فی تولہ کتنے کا ہوگیا؟
28 نومبر ، 2024
اقتصادی رابطہ کمیٹی کے اہم فیصلوں پر عملدرآمد نہ ہونے کا انکشاف
28 نومبر ، 2024
انٹربینک میں ڈالر مہنگا ہوگیا
27 نومبر ، 2024
ملک میں سونے کی قیمت میں ایک بار پھر اضافہ ہوگیا
27 نومبر ، 2024
روپے کی قدر میں کمی، ڈالر مہنگا ہوگیا
26 نومبر ، 2024
