27 دسمبر ، 2021 
ایشز: انگلش ٹیم کے فیملی گروپ کا ایک فردکورونا کا شکار، میچ شروع ہونے میں تاخیر
27 دسمبر ، 2021
ایشز سیریز کیلئے انگلش کرکٹ ٹیم کے اسکواڈ کے فیملی گروپ میں سے ایک فرد کا کورونا ٹیسٹ مثبت آگیا جس کے باعث تیسرے ٹیسٹ کے دوسرے دن کا کھیل تاخیر سے شروع ہوگا۔
انگلینڈ کرکٹ بورڈ کے مطابق اسکواڈ کے فیملی گروپ میں سے ایک فرد کورونا کا شکار ہوا جس کے بعد تمام ممبران کا دوبارہ کووڈ ٹیسٹ کروایا گیا ۔
انگلینڈ کرکٹ بورڈ کا کہنا تھا کہ ٹیسٹ کے نتائج آنے تک انگلش ٹیم کو ہوٹل میں روکا گیا ۔
تاہم تھوڑی دیر کے وقفے کے بعد کووڈ ٹیسٹ کے نتائج منفی آگئے اور ٹیم کو گراؤنڈ میں جانے کی اجازت مل گئی۔
واضح رہے کہ انگلینڈ اور آسٹریلیا کے درمیان ایشز سیریز کاتیسرا ٹیسٹ میچ کھیلا جارہا ہے جس کی پہلی اننگز میں انگلش ٹیم 185 رنز بناکر آؤٹ ہوچکی ہے جبکہ جواب میں پہلے روز کے اختتام تک کینگروز نے ایک وکٹ پر 61 رنز بنائے تھے۔
یاد رہے کہ آسٹریلیا کو 5میچز کی سیریز میں 0-2 کی برتری حاصل ہے۔
مزید خبریں :
کراچی پریمیئر لیگ ملیر ڈولفنز نے جیت لی
10 گھنٹے پہلے
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
حارث رؤف نے ٹی ٹوئنٹی انٹرنیشنلز میں اہم اعزاز اپنے نام کرلیا
17 نومبر ، 2024
سلیکشن کمیٹی کے بعد محمد یوسف کوچنگ سے بھی الگ ہوگئے
16 نومبر ، 2024
