28 دسمبر ، 2021 
پاکستان
لکی مروت: بجلی گیس کی لوڈشیڈنگ کیخلاف برقع پوش خواتین سڑکوں پر آگئیں
28 دسمبر ، 2021
لکی مروت میں گیس اور بجلی کی لوڈشیڈنگ کےخلاف برقع پوش خواتین سڑکوں پر آگئیں۔
جیونیوز کے مطابق لکی مروت کے قاضی اشفاق چوک پر برقعے پہنی خواتین نے شدید احتجاج کیا اور اس دوران گیس بجلی کے بل بھی جلادیے۔
خواتین کا کہنا تھا کہ شہر میں 18گھنٹے بجلی غائب رہتی ہے اور 14گھنٹے گیس کی فراہمی معطل رہتی ہے، نہ کھانا پکا سکتے ہیں اور نہ ہی روزمرہ کے امور انجام دے سکتے ہیں،زندگی مشکل ہوگئی ہے۔
انتظامیہ کے مظاہرین سے مذاکرات ناکام ہوگئے اور شاہراہ پر خواتین کے دھرنے کے باعث گاڑیوں کی قطاریں لگ گئیں۔
خواتین مظاہرین کا کہنا تھاکہ جب تک ڈپٹی کمشنر یقین دہانی نہیں کرائیں گے، روڈ بند رہے گا۔
