29 دسمبر ، 2021 
مطلب بلاول نے زندگی بھر شادی نہ کرنے کا فیصلہ کرلیا ہے، شہباز گل کا ردعمل
29 دسمبر ، 2021
وزیراعظم عمران خان کے معاون خصوصی شہباز گِل نے پیپلز پارٹی کے رہنما منظور وسان کے بیان پر ردعمل دیا ہے۔
منظور وسان نے کہا تھا کہ بلاول بھٹو زرداری پہلے وزیراعظم بنیں گے اور اس کے بعد دلہا بنیں گے۔
مشیر زراعت سندھ منظور وسان نے چیئرمین پیپلز پارٹی بلاول بھٹو زرداری کی شادی اور ان کے وزیراعظم بننے سے متعلق پیش گوئی کی۔
کراچی میں پریس کانفرنس کرتے ہوئے منظور وسان کا کہنا تھا کہ بلاول بھٹو کی شادی 2022 یا 2023 میں ہو گی اور بلاول کی شادی وزیر اعظم بننے کے بعد ہو گی۔
وزیراعظم عمران خان سے متعلق پوچھے گئے سوال کے جواب میں صوبائی وزیر کا کہنا تھا کہ عمران خان کا مستقبل اچھا نظر نہیں آرہا، اب عمران خان کو اقتدار نہیں ملے گا۔
منظور وسان کے بیان کے جواب میں شہباز گل کا کہنا ہے کہ بلاول کا وزیراعظم بننے کے بعد شادی کرنے کا مطلب یہ ہے کہ انھوں نے زندگی بھر شادی نہ کرنے کا فیصلہ کرلیا ہے۔
ان کا مذید کہنا تھا کہ شادی بلاول کا ذاتی معاملہ ہے لیکن ان کے ترجمان نے آج اس کا اعلان کیا ہے تو اب اس پر بات تو ہوگی۔
