01 جنوری ، 2022 
پاکستان
طورخم سرحد پر افغانستان سے داخل ہونے والے ٹرک کے خفیہ خانوں سے 400 کلو گرام چرس اور 250 کلوگرام افیون برآمد کی گئی: کسٹم/ فائل فوٹو
کسٹم نے پاک افغان سرحد طورخم پر کروڑوں کی منشیات پکڑلی
01 جنوری ، 2022
پاک افغان سرحد طورخم پر کسٹم عملے نے افغانستان سے داخل ہونے والے ٹرک سے ساڑھے 7 کروڑ روپے مالیت کی منشیات برآمد کرلی۔
ایڈیشنل کلکٹرکسٹم محمد طیب کے مطابق کسٹم عملے نے طورخم سرحد پر افغانستان سے داخل ہونے والے ٹرک کے خفیہ خانوں سے 400 کلو گرام چرس اور 250 کلوگرام افیون برآمد کرلی۔
کسٹم حکام کے مطابق عالمی مارکیٹ میں اس منشیات کی قیمت ساڑھے 7 کروڑ روپے بنتی ہے۔
کسٹم عملے نے ٹرک کے ڈرائیور کو گرفتار کرکے ٹرک قبضے میں لے لیا۔
