01 جنوری ، 2022 
پاکستان
حکومت اور اپوزیشن الیکشن، معیشت اور عدالتی اصلاحات کیلئےگفتگو کریں، فواد چوہدری
01 جنوری ، 2022
وفاقی وزیر اطلاعات فواد چوہدری نے سال نو کے موقع پر مشورہ دیا ہےکہ حکومت اور اپوزیشن الیکشن، معیشت، سیاسی اور عدالتی اصلاحات کے لیےگفتگو کریں۔
ٹوئٹر پر ایک بیان میں وفاقی وزیر فواد چوہدری کا کہنا تھا کہ سال 2022 کے آغاز پر سمجھتا ہوں کہ ہمیں تلخیاں کم کرنےکی ضرورت ہے، حکومت اور اپوزیشن الیکشن، معیشت، سیاسی اور عدالتی اصلاحات کے لیےگفتگو کریں۔
فواد چوہدری کا کہنا تھا کہ پاکستان ایک عظیم ملک ہے، ہمیں اپنی ذمہ داریوں کے احساس کی ضرورت ہے۔
ان کا کہنا تھا کہ پارلیمان میں فساد عام آدمی کی نظر میں سیاست دانوں کا وقارکم کرتا ہے۔
