01 جنوری ، 2022 
نئی فلم میں شاہد کپور کے مقابل ہیروئن آنے والی اداکارہ کورونا کا شکار
01 جنوری ، 2022
بالی وڈ اداکار شاہد کپور کے ساتھ ان کی نئی فلم جرسی میں ہیروئن کا کردار نبھانے والی اداکارہ مرونل ٹھاکر بھی کورونا وائرس کا شکار ہوگئیں۔
گزشتہ دنوں فلم جرسی کی ریلیز مؤخر کردی گئی تھی اور اب یہ خبر آئی ہے کہ مرونل ٹھاکر کو کورونا ہوگیا ہے۔
اداکارہ نے سماجی رابطوں کی ویب سائٹ پر بتایا کہ ان کا کووڈ 19 ٹیسٹ مثبت آیا ہے اور ان میں وائرس کی معمولی علامات ہیں۔
انہوں نے کہا کہ وہ خیریت سے ہیں اور خود کو آئسولیٹ کرلیا ہے۔ انہوں نے حالیہ دنوں میں ملاقات کرنے والے تمام لوگوں سے درخواست کی کہ وہ بھی اپنا ٹیسٹ کرالیں۔
خیال رہے کہ مرونل اور شاہد کپور کی فلم جرسی 31 دسمبر کو ریلیز ہونا تھی لیکن کورونا وائرس کے کیسز میں دوبارہ اضافے کی وجہ سے ریلیز مؤخر کردی گئی ہے۔
مزید خبریں :
امریکی اداکار جان کراسنسکی سال 2024 کے پرکشش مرد قرار
13 نومبر ، 2024
