03 جنوری ، 2022 
کھیل
کرکٹر نے مداحوں سے افغانستان کی عوام کے لیے مدد کی درخواست کی—فوٹو: محمد رضوان/ٹوئٹر
'حصہ ڈالیں اور پیارے نبیﷺ کی امت کی مدد کریں'، رضوان پاک افغان سرحد پہنچ گئے
03 جنوری ، 2022
قومی کرکٹ ٹیم کے وکٹ کیپر بیٹر محمد رضوان افغانستان کی عوام کی مدد کے لیے پاک افغان سرحد پہنچ گئے۔
کرکٹر نے اپنے ٹوئٹر اکاؤنٹ پر تصاویر شیئر کیں اور لکھا کہ اس وقت افغانستان کی بہادر عوام کو ہماری مدد کی شدید ضرورت ہے، انہیں غذا، رہائش، گرم کپڑے اور ادویات وغیرہ کی ضرورت ہے۔
محمد رضوان نے پاکستان کے سابق لیگ اسپنر مشتاق احمد کو ٹیگ کرتے ہوئے لکھا کہ ان کے ساتھ پاک افغان سرحد پر صورت حال کا جائزہ لینا ایک آنکھ کھول دینے والا تجربہ تھا۔
کرکٹر نے مداحوں سے افغانستان کی عوام کے لیے مدد کی درخواست کی اور کہا کہ سب اپنا حصہ ڈالیں اور پیارے نبی کریم صلی اللہ علیہ وسلم کی امت کی مدد کریں۔
