طالبان نے سیلاب میں پھنسے افراد کو ہیلی کاپٹر سے ریسکیو کرنے کی ویڈیو جاری کردی

طالبان کے ترجمان اور نائب وزیر اطلاعات ذبیح اللہ مجاہد نے افغان فضائیہ کی جانب سے سیلاب میں پھنسے افراد کو ریسکیو کرنے کی ویڈیو شیئر کردی۔

طالبان کی افغان حکومت کے ترجمانوں کی جانب سے ریسکیو آپریشن کی کئی ویڈیوز سوشل میڈیا پر پوسٹ کی گئی ہیں۔

طالبان حکام کے مطابق افغان صوبے قندھار کے ضلع میوند میں کئی مسافر سیلابی ریلے میں پھنس گئے تھے جنہیں بچانے کیلئے افغان فضائیہ کے ہیلی کاپٹر نے ریسکیو آپریشن کیا۔

حکام نے بتایا کہ کئی مسافر سیلابی ریلے میں بہہ گئے تھے جنہیں کامیابی سے ریسکیو کیا گیا۔

طالبان کے ترجمان اور نائب وزیر اطلاعات ذبیح اللہ مجاہد نے بھی ریسکیو آپریشن کی ویڈیو پوسٹ کی ہے جس میں دیکھا جاسکتا ہے کہ ہیلی کاپٹر سیلابی ریلے میں پھنسے شہری کو ریسکیو کررہا ہے۔