کراچی میں پیٹرول پمپ پر ڈکیتی، مزاحمت پر سکیورٹی گارڈ قتل
14 جنوری ، 2022
کراچی میں جمالی پل کے قریب پیٹرول پمپ پر ڈکیتی کے دوران مزاحمت پر سکیورٹی گارڈ کو قتل کردیا گیا۔
سپر ہائی وے پر جمالی پل کے قریب پیٹرول پمپ پر 2موٹر سائیکلوں پر سوار 6 ملزمان نے ڈکیتی کی واردات کی۔
واردات کی سی سی ٹی وی فوٹیج میں دیکھا جاسکتا ہے کہ اس دوران ملزمان نے پمپ پر لوگوں کو یرغمال بنانے کی کوشش کی تو سکیورٹی گارڈ نے مزاحمت کرنا چاہی، ملزمان نے فائرنگ کر کے اسے موقع پر ہی ہلاک کردیا اور اس کا اسلحہ بھی چھین لیا۔
ملزمان نے فائرنگ کر کے کیشیئر کو بھی زخمی کردیا، پیٹرول پمپ پر موجود کیش کو لوٹا اور با آسانی فرار ہوگئے۔
