18 جنوری ، 2022
لاہور کے علاقے نشتر کالونی میں 22 سالہ خاتون کو شوہر نے غیرت کے نام پر قتل کر دیا۔
پولیس کے مطابق مقتولہ صاحبزادی کے شوہر نعیم کو ا س کے کردار پر شبہ تھا، ملزم نے بیوی پر تشدد کیا اور پھر قتل کر کے لاش کھیتوں میں پھینک دی۔
پولیس کا کہنا ہے کہ پولیس اور فرانزک ٹیموں نے موقع سے شواہد اکٹھے کر لیے ہیں جب کہ ملزم نعیم کو بھی حراست میں لے لیا ہے جس سے تفتیش کی جا رہی ہے۔
پولیس نے مقتولہ کی لاش کو پوسٹ مارٹم کے لیے بھجوا کر قتل کا مقدمہ درج کر لیا ہے۔