21 جنوری ، 2022 
مخصوص اشیاء پاکستانی کرنسی میں افغانستان برآمد کرنے کی اجازت دے دی گئی
21 جنوری ، 2022
وزیر خزانہ شوکت ترین کی سربراہی میں اقتصادی رابطہ کمیٹی (ای سی سی) کا اجلاس ہوا جس میں افغانستان کیلئے چینی، چاول، مچھلی اور گوشت سمیت مخصوص اشیاء پاکستانی کرنسی میں برآمد کرنے کی اجازت دے دی گئی۔
اجلاس میں افغانستان سے چلغوزے کی درآمد پر 45 فیصد ریگولیٹری ڈیوٹی بھی ختم کردی گئی ہے۔
اجلاس کے اعلامیے کے مطابق برآمد کی جانے والی اشیاء میں پھل، سبزیاں، سیمنٹ، نمک اور خشک میوہ جات بھی شامل ہیں۔
اس کے علاوہ حملے میں ہلاک ہونے والے داسو پن بجلی منصوبے کے چینی ملازمین کیلئے 11 کروڑ 6 لاکھ ڈالر ادائیگی کی بھی منظوری دی گئی جبکہ یوریا کھاد فیکٹریوں کو مارچ تک 839 روپے فی ایم ایم بی ٹی یوکے حساب گیس فراہم کرنے کی منظوری دی گئی۔
اعلامیے کے مطابق فائیو جی اسپیکٹرم جاری کرنے کیلئے وزیرخزانہ کی صدارت میں مشاورتی کمیٹی قائم کرنے کی منظوری دی گئی، ایف بی آر کیلئے 4 ارب اور مردم شماری کیلئے وزارت پلاننگ کو 5 ارب روپے کی تکنیکی گرانٹ کی منظوری بھی دی گئی۔
اس کے علاوہ کووڈ ویکسین کی خریداری کیلئے 11 ارب 96 کروڑ روپے جاری کرنے کی منظوری بھی اجلاس میں دی گئی۔
مزید خبریں :
روپے کے مقابلے ڈالر کی قدر میں کمی
26 دسمبر ، 2024
پاکستان اسٹاک ایکسچینج کے 100 انڈیکس میں مزید کمی
26 دسمبر ، 2024
ملک میں سونےکی قیمت میں اضافہ ہوگیا
26 دسمبر ، 2024
11 مہینوں میں بیرونی سرمایہ کاری کتنی بڑھی؟ اعداد و شمار جاری
26 دسمبر ، 2024
پاکستان میں مقامی سطح پر موبائل مینوفیکچرنگ میں کمی
25 دسمبر ، 2024
گیس کی پیداوار میں کمی، 4 ماہ میں 53 ارب روپے کا نقصان
25 دسمبر ، 2024
انٹربینک میں ڈالر سستا ہوگیا
24 دسمبر ، 2024
