دنیا
25 جنوری ، 2022

8 کروڑ روپے سے زائد میں بچے کو خریدنے کی کوشش کرنیوالی خاتون گرفتار

امریکی ریاست ٹیکساس میں 5 لاکھ ڈالرز(یعنی 8 کروڑ روپے سے زائد پاکستانی روپے ) میں بچے کو خریدنے کی کوشش کرنے والی خاتون کو گرفتار کرلیا گیا۔ —فوٹو: ڈیلی میل
امریکی ریاست ٹیکساس میں 5 لاکھ ڈالرز(یعنی 8 کروڑ روپے سے زائد پاکستانی روپے ) میں بچے کو خریدنے کی کوشش کرنے والی خاتون کو گرفتار کرلیا گیا۔ —فوٹو: ڈیلی میل

امریکی ریاست ٹیکساس میں 5 لاکھ ڈالرز (یعنی 8 کروڑ روپے سے زائد پاکستانی روپے) میں بچے کو خریدنے کی کوشش کرنے والی خاتون کو گرفتار کرلیا گیا۔

غیر ملکی میڈیا رپورٹس کے مطابق امریکی ریاست ٹیکساس میں گزشتہ ہفتے  منگل کے روز ربیکا لینیٹ ٹیلر نامی خاتون کو وال مارٹ میں موجود دوسری خاتون سے ان کے بچے کو  مبینہ طور پر 5 لاکھ ڈالرز میں خریدنے کی کوشش میں گرفتار کیا گیا۔

رپورٹس کے مطابق ٹیلر نے مبینہ طور پر 13 جنوری کو ہیوسٹن سے تقریباً 120 میل شمال میں ایک مقامی وال مارٹ  میں ایک سالہ بچے کے ہمراہ خاتون سے رابطہ کیا۔

فوٹو: انٹرنیٹ
فوٹو: انٹرنیٹ

غیر ملکی میڈیا کے مطابق ٹیلر نے مبینہ طور پر خاتون کے بیٹے کے سنہرے بالوں اور نیلی آنکھوں پر تبصرہ کرتے ہوئے خاتون سے پوچھا کہ وہ اسے کتنے میں خرید سکتی ہے۔

ٹیلر کے اس تبصرے میں بچے کی ماں ہنسنے لگی اس کا خیال تھا کہ یہ خاتون مذاق کررہی ہیں جس پر ٹیلر نے پہلے ڈھائی لاکھ ڈالرز میں بچہ خریدنے کی پیشکش کی تاہم ماں کے انکار کے بعد اس نے اپنی پیشکش بڑھادی ۔

رپورٹس کے مطابق ماں کے انکار کرنے کے باوجود خاتون  نے پارکنگ تک  چیختے ہوئے بچے کی قیمت  لگاتے ہوئے اسے خریدنے پر اصرار کیا تاہم ماں بچے کو کار میں لیکر چلی گئی اور پولیس کو اطلاع کی جس کے بعد ٹیلر کو  18 جنوری کو گرفتار کر لیا گیا۔

رپورٹس ہیں کہ ٹیلر کو جمعرات کو ہیوسٹن کاؤنٹی شیرف کے دفتر سے 50 ہزار ڈالرز کے بانڈ پر رہا کیا گیا ہے۔

غیر ملکی میڈیا کے مطابق ٹیلر پر بچے کی فروخت یا خریداری کا الزام عائد کیا گیا ہے، جو ریاست ٹیکساس میں تیسرے درجے کا جرم ہے، جرم ثابت ہونے پر اسے دس سال تک قید اور 10 ہزار  ڈالرز جرمانے کا سامنا کرنا پڑ سکتا ہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM