26 جنوری ، 2022 
پی ایس ایل سے ایک روز قبل نیشنل اسٹیڈیم میں آتشزدگی، کمنٹری باکس کو نقصان
26 جنوری ، 2022
ایچ بی ایل پی ایس ایل کے آغاز سے ایک دن قبل کراچی کے نیشنل اسٹیڈیم میں ویلڈنگ کے کام کے دوران آتشزدگی کا واقعہ پیش آ گیا۔
ذرائع کے مطابق گزشتہ شب بجلی کے تاروں میں شارٹ سرکٹ کی وجہ سے اچانک آگ لگ گئی۔
آتشزدگی سے پی ایس ایل کے لیے خصوصی طور پر تیار کیے جانے والے کمنٹری باکس اور باؤنڈری ایس ایم ڈی کی کیبل کو جزوی نقصان پہنچا۔
رات گئے فائر بریگیڈ کی ایک گاڑی کی مدد سے آگ پر قابو پایا گیا تاہم خوش قسمتی سے آگ لگنے کی وجہ سے کسی قسم کا جانی نقصان نہیں ہوا۔
واضح رہے کہ کل سے کراچی کے نیشنل اسٹیڈیم میں پاکستان سپر لیگ (پی ایس ایل) کے ساتویں ایڈیشن کا آغاز ہو رہا ہے۔
ایونٹ کے ابتدائی میچ میں کراچی کنگز اور دفاعی چیمپئن ملتان سلطانز کی ٹیمیں آمنے سامنے ہوں گی۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
