کراچی: شادی میں جدید اسلحے سے فائرنگ، ویڈیو وائرل ہونے کے باوجود کوئی گرفتاری نہ ہو سکی

کراچی کے علاقے گلبہار میں شادی کی تقریب میں جدید ترین اسلحہ سے ہوائی فائرنگ کی گئی لیکن ویڈیو وائرل ہونے کے باوجود کوئی شخص گرفتار نہ کیا گیا۔

گلبہار کے علاقے میں شادی کی تقریب میں بچوں اور بڑوں کی موجودگی میں جدید ترین اسلحے سے شدید ہوائی فائرنگ کی گئی جس کی ویڈیو جیو نیوز کو موصول ہوئی ہے۔

ویڈیو میں ملزمان کو کھلے عام فائرنگ کرتے دیکھا جاسکتا ہے اور فائرنگ کرنے کے مقام کے چاروں طرف گھر ہیں۔

ذرائع کے مطابق فائرنگ کرنے والوں کی شناخت شاہ عالم اور رضا کے ناموں سے ہوئی، شدید فائرنگ کے باوجود علاقہ پولیس نہیں پہنچی اور نہ ہی کسی ملزم کو گرفتار کیا جا سکا ہے۔