07 فروری ، 2022 
اپوزیشن کے حکومتی اتحادیوں سے رابطے تیز، آصف زرداری پرویز الٰہی کے عشائیے میں شریک ہوں گے
07 فروری ، 2022
اپوزیشن کے رہنماؤں نے حکومتی اتحادیوں سے رابطے تیز کردیے۔
سابق صدر آصف علی زرداری رات 8 بجے چوہدری شجاعت حسین کی رہائش گاہ جائیں گے اور ان کی عیادت کریں گے۔
راجا پرویز اشرف، قمر زمان کائرہ، حسن مرتضیٰ اور دیگر اہم رہنما بھی ان کے ہمراہ ہوں گے۔
ق لیگ کی جانب سے چوہدری شجاعت حسین، چوہدری پرویز الٰہی، مونس الٰہی، طارق بشیر چیمہ، سالک حسین، حسین الٰہی، شافع حسین، راسخ الٰہی،کامل علی آغا اور ق لیگ کے صوبائی وزرا ملاقات میں موجود ہوں گے۔
ذرائع کے مطابق ملاقات میں پنجاب کے بلدیاتی انتخابات، میاں نواز شریف کی وطن واپسی اور میاں شہباز شریف سے پیپلز پارٹی کی ملاقات سمیت دیگر سیاسی امور پر گفتگو ہو گی۔
اس موقع پر ان کے اعزاز میں پُرتکلف عشائیے کا اہتام کیا گیا ہے۔
دوسری جانب مسلم لیگ (ن) کے صدر و قومی اسمبلی میں قائد حزب اختلاف شہباز شریف کل حکومتی اتحادی ایم کیوایم پاکستان کے وفد سے ملاقات کریں گے، ملاقات میں متحدہ اورن لیگ کی ورکنگ ریلیشن شپ پر بھی گفتگوکا امکان ہے۔
