09 فروری ، 2022 
پاکستان
پیٹرولیم مصنوعات کی قیمتوں کو مصنوعی طور پر نیچے نہیں رکھ سکتے، وزیرخزانہ
09 فروری ، 2022
وفاقی وزیر خزانہ شوکت ترین نے کہا ہے کہ پیٹرولیم مصنوعات کی قیمتوں کو مصنوعی طور پر نیچے نہیں رکھ سکتے۔
جیو نیوز کے پروگرام ’آج شاہ زیب خانزادہ کے ساتھ‘ میں گفتگو کرتے ہوئے شوکت ترین کا کہنا تھاکہ آئی ایم ایف پراویڈنٹ فنڈ سے ٹیکس استثنیٰ نکالنا چاہتا ہے جس سے غریب پر بوجھ آئے گا۔
ان کا کہنا تھاکہ پراویڈنٹ فنڈ سے ٹیکس استثنیٰ کے معاملے پر عالمی ادارے سے بات کریں گے۔
شوکت ترین کا کہنا تھاکہ پیٹرولیم مصنوعات کی قیمتوں کو مصنوعی طور پر نیچے نہیں رکھ سکتے، عالمی منڈی میں قیمتیں بڑھ رہی ہوں تو اسے عوام پر منتقل کرنا پڑے گا۔
ان کا کہنا تھاکہ پیٹرولیم مصنوعات کی قیمتیں برقرار رکھنے کا فیصلہ لیا لیکن یہ زیادہ دیر چلے گا نہیں۔
