11 فروری ، 2022 
پاکستان
مشترکہ دوست ترین گروپ کے مرکزی رہنماؤں کی چوہدری برادران سے ملاقات کیلئے متحرک ہیں/ فائل فوٹو
ترین گروپ کے رابطوں میں تیزی، چوہدری برادران سے ملاقات کا امکان
11 فروری ، 2022
پنجاب میں جہانگیر ترین گروپ کے رابطوں میں مزید تیزی آگئی۔
ذرائع کے مطابق ترین گروپ کے ارکان کے باہمی رابطوں کا ابتدائی راؤنڈ مکمل ہوگیا ہے جس کے بعد جہانگیرترین گروپ کا باضابطہ اجلاس جلد طلب کیے جانے کا امکان ہے۔
ذرائع کا کہنا ہے کہ (ن) لیگ کے رابطے کے بعد ترین گروپ کی چوہدری برادران سے ملاقات کروانے کی کوشش کی جارہی ہے اور مشترکہ دوست ترین گروپ کے مرکزی رہنماؤں کی چوہدری برادران سے ملاقات کیلئے متحرک ہیں۔
ذرائع کے مطابق ترین گروپ گزشتہ روز غیر رسمی ملاقاتوں کا سلسلہ شروع کرچکا ہے اور گروپ آئندہ ہفتے بھرپور سیاسی سرگرمیوں کاسلسلہ شروع کرے گا۔
ذرائع کا کہنا ہےکہ ترین گروپ سیاسی صورتحال سے الگ نہیں رہے گا اور اس صورتحال میں اپنا کردار ادا کرے گا۔
