11 فروری ، 2022 
روس اور فرانسیسی صدور کی ملاقات میں 4 میٹر لمبی ٹیبل کیوں تھی؟ راز کھل گیا
11 فروری ، 2022
روس کے صدر ولادیمیر پیوٹن اور فرانس کے صدر ایمانوئیل میکرون کے درمیان گزشتہ دنوں ملاقات ہوئی تھی۔
گزشتہ دنوں فرانسیسی صدر ایمانوئیل میکرون نے یوکرین کے معاملے پر روس کا دورہ کیا تھا اور اس دوران صدارتی محل کریملن میں روسی صدر ولادیمیر پیوٹن سے ملاقات کی تھی۔
ملاقات کی تصاویر عالمی میڈیا کیلئے جاری کی گئی تھیں جس میں دونوں صدر 4 میٹر (13 فٹ) لمبی میز کے ایک ایک طرف بیٹھے تھے تاہم اب مذاکراتی ٹیبل کی لمبائی کا راز کھل گیا ہے۔
میڈیا رپورٹس کے مطابق روسی صدارتی محل کریملن کا کہنا ہے کہ صدرپوٹن اور صدر ایمانوئیل میکرون نے 4 میٹر لمبی ٹیبل پرمذاکرات کیے۔
کریملن کا کہنا ہے کہ فرانسیسی صدر کو کورونا ٹیسٹ کرانے سے انکار پرصدر پیوٹن سے فاصلے پربیٹھایاگیا تھا۔
ترجمان کے مطابق روس اورفرانسیسی صدور کی ملاقات پیر کو ماسکو میں ہوئی تھی، فرانسیسی صدر نے کریملن کے طبی عملے کی نگرانی میں کورونا ٹیسٹ کرانے سے انکار کردیا تھا۔
مزید خبریں :
سابق بھارتی وزیراعظم من موہن سنگھ 92 برس کی عمر میں چل بسے
26 دسمبر ، 2024
اسرائیلی فوج نے غزہ کو ہتھیاروں کی تجربہ گاہ بنادیا
26 دسمبر ، 2024
چین تبت میں دنیا کا پہلا سپر ڈیم تعمیر کرنے کیلئے تیار
26 دسمبر ، 2024
