15 فروری ، 2022 
انٹرٹینمنٹ
سارہ فلک شبیر کے ہمراہ نجی ٹی وی شو کے پروگرام میں شریک ہوئیں اور دوران شو شوہر کی جانب سے دیے جانے والے پھولوں پر گفتگو کی/ فائل فوٹو
سارہ خان شوہر فلک شبیر کے دیے گئے اتنے پھولوں کا کیا کرتی ہیں؟
15 فروری ، 2022
پاکستانی اداکارہ سارہ خان نے شوہر فلک شبیر کے دیے گئے پھولوں سے متعلق بات کی ہے۔
سارہ فلک شبیر کے ہمراہ نجی ٹی وی شو کے پروگرام میں شریک ہوئیں اور دوران شو شوہر کی جانب سے دیے جانے والے پھولوں پر گفتگو کی۔
اداکارہ نے بتایا کہ انہیں فلک کی جانب سے اب تک جتنے بھی پھول دیے گئے ہیں وہ سارے پھول تاریخ کے ساتھ ایک ڈائری میں محفوظ کیے ہوئے ہیں۔
سارہ خان کا کہنا تھاکہ وہ ڈائری فلک کے دیے گئے پھولوں کے باعث اب ختم ہوگئی ہے، اس ڈائری میں رکھا گیا پھول سوکھ جاتا ہے لیکن تاریخ رہ جاتی ہے۔
اداکارہ نے مزید کہا کہ فلک اگر گلدستہ دیں تو وہ اس میں سے ایک پھول نکال کر اس ڈائری میں محفوظ کرلیتی ہیں۔
ان کا کہنا تھاکہ فلک کے دیے ہوئے پھول 10 ، 10 دن تک خراب نہیں ہوتے۔
مزید خبریں :
ودیا بالن مادھوری کیساتھ ڈانس کرتے ہوئے اسٹیج پر گرگئیں، ویڈیو وائرل
27 اکتوبر ، 2024
