16 فروری ، 2022 
شہباز اور بلاول کی صحافی محسن بیگ کی گرفتاری کی مذمت
16 فروری ، 2022
مسلم لیگ (ن) کے صدر و قومی اسمبلی میں قائد حزب اختلاف شہباز شریف اور پاکستان پیپلزپارٹی کے چیئرمین بلاول بھٹو زرداری نے سینیئر صحافی محسن بیگ کی گرفتاری کی شدید مذمت کی ہے۔
اپنی ٹوئٹ میں شہباز شریف کا کہنا تھاکہ سینیئر صحافی محسن بیگ کی گرفتاری قابل مذمت، افسوسناک اور شرمناک ہے۔
ان کا کہنا تھاکہ 24 فروری کوایف اے ٹی ایف اجلاس سےقبل میڈیا پردھاوا پاکستان کیلئے رسوائی کے مترادف ہے، مہنگائی اور دیگر سنگین مسائل سے نمٹنے کے بجائے تنقید سے نمٹنا بدترین حماقت ہے۔
پاکستان پیپلزپارٹی کے چیئرمین بلاول بھٹو زرداری نے بھی سینیئر صحافی محسن بیگ کی گرفتاری کی شدید مذمت کی اور کہا کہ صحافی محسن بیگ کی گرفتاری سے عمران خان کی طاقت نہیں بلکہ کمزوری ظاہر ہوئی ہے۔
ان کا کہنا تھاکہ عمران خان اتنے کمزور ہیں کہ وہ خود پر تنقید سے ڈرتے ہیں کہ کہیں عوام ان کے سچ سے واقف نہ ہوجائیں۔
خیال رہے کہ وفاقی دارالحکومت اسلام آباد سے سینیئر صحافی محسن بیگ کو گرفتار کیا گیا جس کے بعد انہیں انسداد دہشت گردی کی عدالت میں پیش کیا گیا۔
مزید خبریں :
پی ٹی آئی کی کوئٹہ میں جلسہ کرنے کی درخواست مسترد
5 گھنٹے پہلے
