25 فروری ، 2022 
امریکا کا یوکرین کی مدد کیلئے فوج بھیجنے سے انکار، 7 ہزار فوجی جرمنی بھیج دیے
25 فروری ، 2022
امریکا نے یوکرین کی مدد کیلئے فوج بھیجنے سے انکار کردیا۔
امریکا نے روس پر اقتصادی پابندیاں مزید سخت کردی ہیں تاہم یوکرین کی براہ راست فوجی مدد سے انکار کردیا ہے۔
امریکا نے 7 ہزار فوجی جرمنی بھیج دیے اور کہا ہے کہ اس کا مقصد نیٹو اتحادیوں کا تحفظ ہے۔
روس سے امریکی ایلچی کو نکالنے کے جواب میں امریکا نے روس کے سفارتکار کوملک بدرکردیا۔
اُدھر یورپی یونین اور برطانیہ نے روسی اثاثے منجمد کردیے ہیں اور روسی بینکوں کی مالی نظام تک رسائی روک دی ہے جبکہ سوئفٹ مالیاتی نظام سے نکالنے پر فیصلہ نہیں ہوسکا ہے۔
آسٹریلیا، جاپان، تائیوان اور کینیڈا نے بھی سخت پابندیاں عائد کردیں۔
عالمی فوجداری عدالت کا کہناہےکہ یوکرین کے حالات پر نظر ہے، جنگی جرائم اور نسل کشی پر جواب دینا ہوگا۔
دوسری جانب اقوام متحدہ نے روس سے ایک بار پھر فوج واپس بلانے کی اپیل کی ہے۔ سیکرٹری جنرل نے کہا کہ ایک ملک کا دوسرے ملک کے خلاف طاقت کا استعمال غلط، ناقابل قبول اوریواین چارٹر کیخلاف ہے۔
مزید خبریں :
غزہ پر اسرائیلی بمباری سے مزید 38 فلسطینی شہید
2 گھنٹے پہلے
مزید 2 ممالک آئندہ سال شینگن ممالک کا حصہ بننے کو تیار
22 نومبر ، 2024
حزب اللہ کے راکٹ حملے میں اسرائیلی شہری ہلاک
22 نومبر ، 2024
