26 فروری ، 2022 
پاکستان
پیٹ اور جگر کی تکلیف، جہانگیر ترین ائیر ایمبولینس پر لندن روانہ
26 فروری ، 2022
تحریک انصاف کے رہنما جہانگیر ترین ائیر ایمبولینس کے ذریعے آج لندن روانہ ہوئے۔
ذرائع کے مطابق ائیر ایمبولینس صبح 5 بجکر 45 منٹ پر دبئی سے لاہور پہنچی،ائیر ایمبولینس صبح 6 بجکر 40 منٹ پر جہانگیر ترین کو لے کرروانہ ہوئی۔
ذرائع کے مطابق جہانگیر ترین دو روز قبل ہی اسپتال سے گھر شفٹ ہوئے تھے، جہانگیر ترین کو پیٹ اور جگر کی تکلیف بتائی جاتی ہے۔
ذرائع کا کہنا ہےکہ جہانگیر ترین ایک ہفتہ لندن میں رہیں گے۔ انہوں نے اپنے گروپ کو پیغام دیا ہےکہ وہ میڈیکل چیک اپ کے لیے لندن جارہے ہیں لہٰذا متحد اور رابطے میں رہنا ہے۔
