03 مارچ ، 2022 
ویڈیو: پیرس میوزیم سے پیوٹن کا مومی مجسمہ ہٹا دیا گیا
03 مارچ ، 2022
یوکرین پر حملے کو جواز بنا کر پیرس کے مشہور میوزیم میں رکھا روسی صدر ولادیمیر پیوٹن کا مومی مجسمہ ہٹا دیا گیا ہے۔
غیر ملکی خبر ایجنسی کے مطابق روس کی یوکرین پر چڑھائی نے پیرس کے گریون میوزیم کے ڈائریکٹر کو پیوٹن کا مجسمہ ہٹانے پر اکسایا۔
ڈائریکٹر گریون میوزیم کا کہنا ہے کہ ہم نے کبھی بھی ہٹلر کی طرح کے آمروں کی نمائندگی نہیں کی اور ہم پیوٹن کے مجسمے کو بھی نہیں دکھانا چاہتے۔
ان کا کہنا تھا کہ پیوٹن کے مجسمے کو محفوظ رکھا جائے گا، اسے مومی مجسمہ ہونے کے باوجود پگھلایا نہیں جائے گا۔
پیوٹن کے مجسمے سے سر کو علیحدہ کر کے ایک باکس میں محفوظ کر دیا گیا ہے جبکہ دھڑ کی جگہ پر پیوٹن کا نام تحریر کر دیا گیا ہے۔
خیال رہے کہ گریون میوزیم میں یہ پہلی مرتبہ ہوا ہے کہ کسی شخصیت کا مجسمہ ہٹانے میں اتنی پھرتی دکھائی گئی ہو۔
اس سے قبل 2015 میں بھی پیرس کے میوزیم میں رکھے صدر ولادیمیر پیوٹن کے مومی مجسمے پر ایک خاتون نے چاقو سے حملہ کیا تھا۔
مزید خبریں :
دمشق ائیرپورٹ کا فضائی آپریشن بحال ہوگیا
12 گھنٹے پہلے
بھارت حسینہ واجد کو حوالے کرے، بنگلادیش نے باضابطہ مطالبہ کردیا
23 دسمبر ، 2024
