03 مارچ ، 2022 
عثمان خواجہ نے پنڈی اسٹیڈیم میں کھیلتے ہوئے 30 سال پرانی یادگار تصویر شیئر کردی
03 مارچ ، 2022
پاکستانی نژاد آسٹریلوی کرکٹر عثمان خواجہ 24 سال بعد دورہ پاکستان پر آنے والی آسٹریلوی ٹیم کے ساتھ راولپنڈی اسٹیڈیم میں کھیلنے کے لیے پرجوش ہیں۔
ایسے میں کرکٹر نے 30 سال پہلے لی گئی اپنے بچپن کی تصویر کو انسٹاگرام اکاؤنٹ کی زینت بنایا۔
عثمان خواجہ کی یہ تصویر راولپنڈی کے پرانے کرکٹ اسٹیڈیم میں لی گئی تھی۔
کرکٹر نے اپنی پوسٹ میں بتایا کہ 'یہ تصویر 30 سال قبل ہمارے آسٹریلیا منتقل ہونے سے دو ہفتے پہلے لی گئی تھی، جہاں شہر کے پرانے اسٹیڈیم میں، میں ایک شاٹ کھیل رہا ہوں'۔
انہوں نے مزید لکھا کہ 'اس وقت کس نے یہ سوچا ہوگا کہ میں یوں پاکستان کے خلاف آسٹریلیا سے کھیلنے واپس آؤں گا'۔
عثمان خواجہ نے بے حد خوشی اور بے صبری ظاہر کرتے ہوئے کہا کہ 'دوبارہ اسی اسٹیڈیم میں کھیلنے کا انتظار نہیں کرسکتا'۔
واضح رہے کہ آسٹریلیا اور پاکستان کے درمیان پہلے ٹیسٹ میچ کا آغاز 4 مارچ سےراولپنڈی کرکٹ اسٹیڈیم میں ہونے جارہا ہے۔
مزید خبریں :
چیمپئنز ٹی ٹوئنٹی کپ کا ٹائٹل اسٹالینز نے جیت لیا
3 گھنٹے پہلے
بابر اعظم نے ایک اور اعزاز اپنے نام کرلیا
25 دسمبر ، 2024
باکسنگ ڈے ٹیسٹ میچ کے پیچھے کہانی کیا ہے؟
25 دسمبر ، 2024
