04 مارچ ، 2022 
شاہین کھانا اچھا بناتا ہے اور کپڑے بھی اچھے دھوتاہے: رضوان کا انکشاف
04 مارچ ، 2022
قومی ٹیم کے نائب کپتان محمد رضوان نے پنڈی ٹیسٹ سے ایک روز قبل قہوہ پارٹی کی۔
پاکستان کرکٹ بورڈ کے ٹوئٹر اکاؤنٹ پر رضوان کی دیگر کھلاڑیوں کے ہمراہ قہوہ پارٹی کی ویڈیو شیئر کی گئی ہے جس میں ان کے ساتھ ساتھی کھلاڑی بھی موجود ہیں۔
ویڈیو میں رضوان کو الیکٹرک کیٹل میں قہوہ بناتے دیکھا جاسکتا ہے، اس موقع پر انہوں نے کہا کہ میں کبھی کبھی قہوہ بناتا ہوں لیکن خواہش ہے کہ میری اہلیہ یہ ویڈیو دیکھ لیں تاکہ انہیں یقین ہوجائے کہ میں قہوہ بناسکتا ہوں۔
رضوان نے بتایا کہ شاہین آفریدی قہوہ بنانے میں ماسٹر ہیں، کبھی کبھی شاہین بہت اچھا قہوہ بناتے ہیں جب کہ ساتھی کھلاڑیوں کے لیے چائے ساجد اور افتحار بناتے ہیں۔
ویڈیو میں کھلاڑیوں کو قہوے اور ڈرائی فروٹ سے لطف اندوز ہوتے بھی دیکھا جاسکتا ہے۔
شاہین کھانا اچھا بناتا ہے اور کپڑے بھی اچھے دھوتاہے: رضوان کا انکشاف
رضوان کے بنائے گئے قہوے پر شاہین کا کہنا تھا کہ محمد رضوان مجھ سے اچھا قہوہ بناتے ہیں لہٰذا یہ ذمہ داری بھی محمد رضوان کو سونپ دینی چاہیے۔
شاہین کی تعریف پر رضوان کا کہنا تھا کہ شاہین یہ بات دراصل بنیادی طور پر اپنی اہلیہ سے چھپنےکے لیے کررہا ہے ورنہ شاہین بہت سی چیزیں اچھے سے بنالیتاہے۔
رضوان کا کہنا تھا کہ شاہین سالن بھی اچھا بنالیتا ہے کپڑے بھی اچھے دھولیتا ہے اور تھوڑی دیر بعد شاہین حجام بھی بننے والے ہیں ۔
رضوان کے انکشاف پر شاہین نے بتایا کہ مجھے رضوان کے ہی بال کاٹنے ہیں۔
فاسٹ بولر کا مزید کہنا تھا کہ لیکن رضوان چیمپئن ہیں اور میرے استاد بھی ہیں۔
مزید خبریں :
کراچی پریمیئر لیگ ملیر ڈولفنز نے جیت لی
17 نومبر ، 2024
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
حارث رؤف نے ٹی ٹوئنٹی انٹرنیشنلز میں اہم اعزاز اپنے نام کرلیا
17 نومبر ، 2024
