07 مارچ ، 2022 
عمران جیت گیا تو چھوڑے گا نہیں، ہار گیا تو گھر بیٹھے گا نہیں: شیخ رشید کی وارننگ
07 مارچ ، 2022
وفاقی وزیر داخلہ شیخ رشید نے ایک بار پھر تحریک عدم اعتماد کے معاملے پر اپوزیشن کو وارننگ دے دی۔
میڈیا سے گفتگو میں شیخ رشید کا کہنا تھاکہ عمران خان جیت گیا توچھوڑے گا نہیں، ہار گیا تو گھر بیٹھے گا نہیں، اگر کوئی انہونی ہوگئی تو کوئی غلط فہمی میں نہ رہے کہ عمران گھر بیٹھا رہے گا، ساری اپوزیشن کو ایک ہی ٹوکرے کے نیچے دے دے گا۔
انہوں نے کہا کہ جوکسی نہ کسی طرح بچ گئے، وہ بھی جیلوں میں ہوں گے، امپائر کے نیوٹرل ہونے پر خوش ہونے والےہار جائیں گے توکہیں گے تھرڈ امپائر نے ہرایا۔
وفاقی وزیر داخلہ کا کہنا تھاکہ اسپیکر کے خلاف عدم اعتماد لائیں یا وزیراعظم کے خلاف، ناکامی اپوزیشن کا مقدر ہے۔
ان کا کہنا تھا کہ پولیس نے سانحہ پشاورمیں ملوث افراد کا سراغ لگا لیا ہے جلد انہیں گرفتار کرلیا جائے گا، ہمیں یقین ہے کہ افغان حکومت نے درست کہا ہے کہ ان کی سرزمین ہمارے خلاف استعمال نہیں ہوگی۔
