11 مارچ ، 2022 
یہ تاثر غلط ہے کہ ہم آسٹریلیا سے ڈر رہے ہیں: بابراعظم
11 مارچ ، 2022
قومی ٹیم کے کپتان بابراعظم کاکہنا ہےکہ یہ تاثر غلط ہے ہم آسٹریلیا سے ڈر رہے ہیں اور پنڈی ٹیسٹ کی وکٹ آسٹریلیا سے ڈر کر بنائی گئی۔
ورچوئل پریس کانفرنس کرتے ہوئے بابراعظم نے کہا کہ پنڈی کی نسبت کراچی میں گرمی زیادہ ہے، پنڈی ٹیسٹ میں انفرادی اور بحیثیت ٹیم کی کارکردگی اچھی رہی، تسلسل کو برقرار رکھنے کی کوشش کریں گے۔
انہوں نے کہا کہ یہ تاثر غلط ہے ہم آسٹریلیا سے ڈر رہے ہیں اور پنڈی ٹیسٹ کی وکٹ آسٹریلیا سے ڈر کر بنائی گئی ، کنڈیشن دونوں ٹیموں کیلئے اہم ہیں،کراچی ٹیسٹ کی وکٹ اسپنر کو مدد کرے گی، کراچی ٹیسٹ کیلئے پلیئنگ الیون میں تبدیلی ہوگی، دو اہم کھلاڑی واپس آئے ہیں، آج مزید وکٹ کا جائزہ لے کر حتمی فیصلہ کریں گے، وکٹ جیسی بھی ہو اس پر پرفارم کرنا زیادہ اہم ہوتا ہے۔
بابراعظم کا کہنا تھاکہ یہ تاثر بھی غلط ہے کہ پاکستانی بیٹسمین سست کھیلے، یہ کسی نے نہیں دیکھا کہ عبداللہ شفیق اور امام الحق کم بیک کررہے تھے۔
انہوں نے مزید کہا کہ آسٹریلیا کے جس اسپنر کا ڈیبیو ہورہا ہے اس کو دیکھا نہیں، اس کی ویڈیو دیکھ کر تیاری کریں گے۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
