11 مارچ ، 2022 
کراچی ٹیسٹ: قومی ٹیم میں دو تبدیلیوں کا امکان
11 مارچ ، 2022
آسٹریلیا کے خلاف کراچی میں کل سے شروع ہونے والے دوسرے ٹیسٹ کے لیے قومی ٹیم میں دو تبدیلیوں کا امکان ہے۔
ذرائع کا بتانا ہے کہ قومی ٹی میں فاسٹ بولر نسیم شاہ کی جگہ حسن علی کو کھلائے جانے کا امکان ہے جبکہ فہیم اشرف کو افتخار احمد کی جگہ موقع دیا جاسکتا ہے۔
حسن علی اور فہیم اشرف انجری کے باعث پنڈی ٹیسٹ نہیں کھیل سکے تھے۔
ذرائع کے مطابق آل راؤنڈر فہیم اشرف نے آج ٹیم کے ساتھ بھرپور پریکٹس بھی کی ہے۔
تاہم دو روز قبل فہیم اشرف کا کورونا ٹیسٹ مثبت آنے کی خبریں بھی سامنے آئی تھیں جس کے بعد کہا جا رہا تھا کہ فہیم اشرف کی آسٹریلیا کے خلاف دوسرے ٹیسٹ میں بھی شرکت مشکوک ہو گئی ہے۔
یاد رہے کہ دونوں ٹیموں کے درمیان راولپنڈی میں کھیلا جانے والا پہلا ٹیسٹ ڈرا ہو گیا تھا۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
