16 مارچ ، 2022 
وفاقی وزیر مونس الٰہی کی گرفتاری کا معاملہ، نیب کا مؤقف سامنے آگیا
16 مارچ ، 2022
اسلام آباد: قومی احتساب بیورو (نیب) کا کہنا ہے کہ وفاقی وزیر مونس الٰہی کو گرفتار کرنے کا سوال ہی پیدا نہیں ہوتا۔
گزشتہ روز پرویز الٰہی نے ایک نجی ٹی وی کو انٹرویو کے دوران پاکستان تحریک انصاف کے ساتھ تعلقات کے حوالے سے کہا تھا کہ ہماری طرف سے وفاداری کی گئی لیکن ان کی طرف سے دھمکیاں آ رہی ہیں۔
پرویز الٰہی کا کہنا تھا نیب کو کہا گیا کہ مونس کو پکڑو، خان صاحب نے سب سے ہاتھ کیا ہے، ساڑھے 3 سال انھوں نے کوئی کارکردگی نہیں دکھائی۔
اب اس حوالے سے نیب کا وضاحتی بیان سامنے آیا ہے جس میں کہا گیا ہے کہ وفاقی وزیر مونس الٰہی کے خلاف اس وقت نیب میں کوئی انکوائری زیر التوا نہیں، مونسی الٰہی کو گرفتار کرنے کا سوال ہی پیدا نہیں ہوتا۔
نیب اعلامیے میں کہا گیا ہے کہ اس ضمن میں نیب کے بارے میں تمام قیاس آرائیاں بے بنیاد ہیں، مونس الٰہی کو گرفتار کرنے سے متعلق میڈیا رپورٹس کی سختی سے تردید کرتے ہیں۔
مزید خبریں :
پی ٹی آئی کی کوئٹہ میں جلسہ کرنے کی درخواست مسترد
2 گھنٹے پہلے
