16 مارچ ، 2022 
کراچی ٹیسٹ: بابر اعظم نے بریڈ مین، پونٹنگ اور لارا کو بھی پیچھے چھوڑ دیا
16 مارچ ، 2022
قومی کرکٹ ٹیم کے کپتان بابر اعظم نے کراچی ٹیسٹ میں کئی ریکارڈز پاش پاش کر دیے۔
بابر اعظم چوتھی اننگز میں بطور کپتان سب سے بڑی اننگز کھیلنے والے کھلاڑی بن گئے۔
انہوں نے انگلینڈ کے مائیکل ایتھرٹن کو پیچھے چھوڑ کر یہ ریکارڈ اپنے نام کیا۔ چوتھی اننگز میں بطور کپتان سب سے زیادہ رنز بنانے کا ورلڈ ریکارڈ انگلینڈ کے مائیکل ایتھرٹن کے پاس تھا جنہوں نے 1995 میں جنوبی افریقا کیخلاف ٹیسٹ میچ کی چوتھی اننگز میں 185 رنز کی اننگز کھیلی تھی۔
اس سے قبل بیون کانگڈن 176، ڈان بریڈ میں 173، رکی پونٹنگ 156، گریم اسمتھ 154، برائن لارا 153اور ویرات کوہلی 141 کی اننگز کھیل چکے ہیں۔
اس ٹیسٹ میں بابر اعظم نے سب سے زیادہ گیندیں کھیلیں، سب سے زیادہ دیر 607 منٹ وکٹ پر ٹھہرے، 196 رن بنائے، عبداللہ شفیق کے ساتھ 520 گیندیں کھیلنے کا پارٹنرشپ کا ریکارڈ بھی بنایا۔
مزید خبریں :
ویڈیو: پیرو میں میچ کے دوران بجلی گرنے سے فٹبالر ہلاک ہوگیا
04 نومبر ، 2024
