فیصل آباد میں راجہ ریاض اور پشاور میں نور عالم کیخلاف پی ٹی آئی کارکنوں کا احتجاج

پاکستان تحریک انصاف کے منحرف ارکان کے خلاف کارکنوں نے فیصل آباد اور پشاور میں احتجاج کیا ہے۔

فیصل آباد میں پی ٹی آئی کے رکن قومی اسمبلی راجاریاض کےخلاف ضلع کونسل چوک پرپی ٹی آئی کارکنوں نے احتجاج کیا۔

کارکنوں نے راجہ ریاض کے خلاف نعرے بازی کی اور مطالبہ کیا کہ عمران خان کے نام پرووٹ لینے والےراجہ ریاض مستعفی ہوجائیں۔

دوسری جانب پشاور میں نورعالم خان کے خلاف بھی احتجاج کیا گیا۔  پی ٹی آئی کارکنوں  نے پریس کلب کے باہر مظاہرہ کیا اور کہا کہ عمران خان کے نام پر ووٹ لینے والے کس منہ سے اختلاف کر رہے ہیں۔