22 مارچ ، 2022 
یوکرین تنازع: پیوٹن کی گرل فرینڈ کیا انہیں یوکرین پر حملوں سے روک سکیں گی؟
22 مارچ ، 2022
روسی صدر ولادیمیر پیوٹن کے یوکرین پر حملے کے بعد ان کی مبینہ گرل فرینڈ علینا کبائیوا پر روسی صدر کو منانے کیلئے دباؤ بڑھنے لگا۔
غیر ملکی خبر رساں ادارے کے مطابق علینا کی خواتین دوستوں کی جانب سے ان پر زور دیا جارہا ہے کہ وہ پیوٹن کے پاس ماسکو جائیں اور انہیں جنگ کے خاتمے پر قائل کریں۔
رپورٹ کے مطابق یوکرین پر حملوں کے حوالے سے پیوٹن کسی کی نہیں سن رہے لیکن علینا کی دوستیں پر امید ہیں کہ علینا روسی صدر کو یوکرین پر مزید حملوں سے روک سکتی ہیں۔
اس حوالے سے گفتگو کرتے ہوئے پیوٹن کی مبینہ گرل فرینڈ اور ان کی بچوں کی ماں علینا کا کہنا ہے کہ حالات کے پیش نظر وہ سخت ترین سکیورٹی میں گھرے پیوٹن سے مل بھی پائیں گی یا نہیں یہ کہنا قبل از وقت ہوگا۔
علینا کا کہنا تھا کہ انہیں یہ بھی نہیں پتا کہ وہ ایک بار پیوٹن سے ملنے کے لیے جانے کے بعد اپنے بچو ں سے دوبارہ مل بھی پائیں گی یانہیں۔
خیال رہے کہ علینا اولمپک گولڈ میڈلسٹ ایتھلیٹ ہیں جن کی دو بیٹیاں اوردو بیٹے ہیں۔
مزید خبریں :
دنیا بھر میں کرسمس تقریبات کا آغاز،گرجا گھروں میں خصوصی عبادات
25 دسمبر ، 2024
شام کے شہر حماہ میں نامعلوم افراد نےکرسمس ٹری کو آگ لگادی
24 دسمبر ، 2024
