کروڑوں کمانے والے بالی وڈ سپر اسٹارز کھانے میں کیا کھاتے ہیں؟

بالی وڈکے سپر اسٹارز کروڑوں دلوں پر راج کرتے ہیں اور بیشتر پرستار ان کی فٹنس اور خوبصورتی کے دیوانے ہیں لیکن کیا آپ جانتے ہیں کہ کروڑوں روپے کمانے والے بالی وڈ کے نامور اداکار کون سے کھانے شوق سے کھانا پسند کرتے ہیں؟

آج ہم آپ کو بتائیں گے بالی وڈ کے بادشاہ شاہ رخ خان،  سلمان خان، خوبرو اداکارہ کرینہ کپورخان، دپیکا پڈوکون، کترینہ کیف، انوشکا شرما، رنبیر کپور اور اکشے کمار کھانے میں کون سی غذائیں استعمال کرتے ہیں۔

شاہ رخ خان

بالی وڈ کنگ خان کی بات کریں تو انہیں کھانے میں حیدرآبادی مٹن بریانی، کھٹی دال، گِرلڈ چکن کے علاوہ تندوری چکن بہت پسند ہے۔

سلمان خان

بالی وڈ میں اپنی فٹنس کیلئے مشہور سپر اسٹار سلمان خان کو بھی بریانی اور کباب بے حد پسند ہیں اس کے علاوہ دبنگ خان اپنی والدہ کے ہاتھوں سے بنے کھانوں کے بھی دیوانے ہیں۔

کرینہ کپور خان

بالی وڈ بیبو کرینہ کپور خان بھی بریانی کی دیوانی ہیں جبکہ دیگر کھانوں میں پاستہ اور پیزا بھی شوق سے کھاتی ہیں۔

کترینہ کیف

بالی وڈ کی خوبصورت ہیروئن کترینہ کیف بھی لذیذ پکوانوں کی شیدائی ہیں، کترینہ ایک انٹرویو میں اعتراف بھی کر چکی ہیں کہ انہیں آئس کریم، پائے اور دارچینی کے رول اور میٹھا بہت پسند ہے۔

انوشکا شرما

اپنی بے باک اداکاری کی وجہ سے مشہور انوشکا شرما کو بٹر چکن بہت لبھاتا ہے لیکن وہ شوق سے گھر کے بنے کھانے کھاتی ہیں۔

اکشے کمار

بالی وڈ کھلاڑی اکشے کمار جو ہیرو بننے سے قبل خود بھی ایک ہوٹل میں شیف تھے، کھانے میں مخصوص تھائی گرین کری اور چائنیز کوزین کے علاوہ تندوری پسند کرتے ہیں۔

دپیکا پڈوکون

بالی وڈ کی فائٹر اداکارہ دپیکا پڈوکون ساؤتھ انڈین دیسی اور  سی فوڈ کھانے کی بہت شوقین ہیں۔

ہریتھک روشن

بالی وڈ کے مایا ناز ہیرو اور ڈانسر ہریتھک روشن سموسوں کے دیوانےہیں اور اکثر ریستوران میں وہ مٹن کے بھی خوب لطف اڑاتے نظر آتے ہیں۔

رنبیر کپور

بالی وڈ کے چُلبلے نوجوان اداکار رنبیر کپور بھی رغبت سے ذائقہ دار کھانوں کے شوقین ہیں، اپنے دوستوں اور نجی محفلوں میں مٹن کری، بٹر چکن اور پائے بہت شوق سے کھاتے ہیں۔