23 مارچ ، 2022 
پاکستان
کچھ منحرف ارکان نے پیسے پکڑے ہوں گے لیکن اکثریت ناراض ہیں، علی محمد خان
23 مارچ ، 2022
وزیر مملکت برائے پارلیمانی امورعلی محمد خان نے منحرف ارکان کے حوالے سے ردعمل کا اظہار کیا ہے۔
علی محمد خان کا کہنا تھاکہ پاکستان تحریک انصاف کے کچھ منحرف ارکان نے پیسے پکڑے ہوں گے لیکن اکثریت ارکان ناراض ہیں۔
انہوں نے کہا کہ ہمیں اپنے ارکان اسمبلی پر اعتماد ہے، اکثریت عمران خان اور پارٹی کے ساتھ ہیں۔
علی محمد خان کا کہنا تھاکہ منحرف ارکان اسمبلی کے پنجاب حکومت سے متعلق خدشات جلد دور کریں گے۔
خیال رہے کہ حکومت کی جانب سے منحرف ارکان پر پیسے لینے کا الزام لگایا گیا ہے جبکہ ارکان نے اس کی تردید کی ہے۔
