25 مارچ ، 2022 
پاکستان
شاہ محمود کے رابطے تیز، چوہدری برادران کو کل وزیراعظم کا اہم پیغام پہنچائیں گے
25 مارچ ، 2022
وزیر خارجہ شاہ محمود قریشی نے اتحادی جماعتوں سے رابطے تیز کردیے۔
شاہ محمود قریشی نے آج اتحادی جماعت متحدہ قومی موومنٹ پاکستان کے وفد سے ملاقات کی تھی۔
اب انہوں نے مسلم لیگ ق پنجاب کے صدر و اسپیکر پنجاب اسمبلی چوہدری پرویز الٰہی سے ٹیلیفونک رابطہ کیا ہے۔
انہوں نے چوہدری برادران کے ساتھ ملاقات کا وقت طے کرلیا اور وہ کل دوپہر دو بجے پرویز خٹک کے ہمراہ پرویز الٰہی کی رہائش گاہ جائیں گے۔
شاہ محمود قریشی وزیراعظم عمران خان کا اہم پیغام چوہدری برادران تک پہنچائیں گے۔
