28 مارچ ، 2022 
اکشے نے بیٹے کے کینسر کا سن کر ہر ممکن مدد کی پیشکش کی: عمران ہاشمی
28 مارچ ، 2022
بالی وڈ اداکار عمران ہاشمی کی کتاب میں یہ انکشاف سامنے آیا ہےکہ اکشے کمار نے کس طرح ان کے بیٹے کےعلاج میں مدد کی پیشکش کی۔
بالی وڈ میڈیا رپورٹس کےمطابق عمران ہاشمی نے اپنی کتاب میں اس حوالے سے تفصیلات بتائی ہیں جس میں انہوں نے بتایا کہ جب ڈاکٹرز نے مجھے بتایا کہ میرے 4 سالہ بیٹے آیان کو گردے کا کینسر ہے تو اس موقع پراکشے کمار میری مدد کرنا چاہتے تھے۔
عمران ہاشمی نے بتایا کہ جب اکشے کمار کو پتا چلا کہ میرے بیٹے کو کینسر ہے تو انہوں نے موبائل فون پرمیسج کرکے کہا کہ وہ اس سلسلے میں میری مددکرنا چاہتے ہیں، اکشے نے میسج چھوڑا کہ میں فارغ ہوکر انہیں کال کروں جس پر میسج پڑھنے کے بعد فوری اکشے سے رابطہ کیا تو انہوں نے بیٹے کی صحت سے متعلق پوچھا۔
اداکار نے اپنی کتاب میں لکھا کہ اکشے نے بیٹے کے کینسر کا سننے پر اس سے ملاقات کی خواہش ظاہر کی اور ساتھ ہی علاج کے لیے بہترین سہولیات اور اچھے ڈاکٹرز سمیت ہر چیز کی مدد کی پیشکش کی۔
عمران ہاشمی نے مزید لکھا کہ اکشے کمار روزانہ فون کرکے بیٹے کی صحت پوچھتے تھے اور اسپتال سے گھر منتقلی پر اس سے ملاقات کے لیے بھی آئے۔
اداکار کے مطابق بعد میں انہیں علم ہوا کہ اکشے کمار کے والد کا انتقال بھی کینسر سے ہوا تھا۔
مزید خبریں :
سدھو نے کپل شرما شو چھوڑنے کی اصل وجہ 5 سال بعد بتادی
15 نومبر ، 2024
امیتابھ بچن بیٹے ابھیشیک کو اپنے شو میں بلاکر کیوں پچھتائے؟
15 نومبر ، 2024
