ویڈیو: وسیم اکرم نے نیا بولر تلاش کر لیا، دیکھ کر آپ بھی حیران ہو جائیں گے

قومی ٹیم کے سابق کپتان وسیم اکرم نے ایک نیا بولر تلاش کر لیا ہے جس کے بارے میں ان کا کہنا ہے کہ میرا خیال ہے اسے پی ایس ایل کے اگلے ڈرافٹ میں شامل ہونا چاہیے۔

قومی ٹیم کے سابق کپتان وسیم اکرم کی اہلیہ شنیرا اکرم کی اپنے شوہر اور پاکستان کے سابق کپتان کو گیند کرانے کی ویڈیو سوشل میڈیا پر وائرل ہو رہی ہے۔

وسیم اکرم کی جانب سے سوشل میڈیا پر ایک ویڈیو شیئر کی گئی ہے جس میں شنیرا انہیں بولنگ کروا رہی ہیں اور اردگرد کافی لوگ بھی موجود ہیں۔

قومی ٹیم کے سابق کپتان کی جانب سے ویڈیو کے ساتھ ٹوئٹر پر ایک کیپشن بھی تحریر کیا گیا ہے جس میں ان کا کہنا ہے کہ ایک نیا بولر تلاش کر لیا، میرا خیال ہے کہ شنیرا کو اگلے پی ایس ایل ڈرافٹ میں ہونا چاہیے، آپ لوگوں کا کیا خیال ہے؟