04 اپریل ، 2022 
پاک بھارت کرکٹ سیریز پر رمیز راجہ نے کیا ردعمل دیا؟
04 اپریل ، 2022
چیئرمین پاکستان کرکٹ بورڈ رمیز راجہ کا کہنا ہے کہ ہم پاکستان سپر لیگ (پی ایس ایل) کو آکشن کی جانب ضرور لے کر جائیں گے۔
غیر ملکی میڈیا کو انٹرویو دیتے ہوئے رمیز راجہ کا پاک بھارت کرکٹ سیریز پر ردعمل دیتے ہوئے کہنا تھا کہ کرکٹ کو سیاست کی نظر نہیں کیا جا سکتا، معلوم نہیں کہ آئی سی سی میں 4 ملکی ٹورنامنٹ پر کیا ردعمل ملےگا، لیکن آخر کب تک ہم کرکٹ کو سیاست کی نظر کرتے رہیں گے؟
ان کا کہنا تھا کہ انٹرنیشنل براڈ کاسٹر نے کہا کہ پاک بھارت ٹی ٹوئنٹی ورلڈ کپ میچ نے ویورشپ کے تمام ریکارڈ توڑ دیے تھے، پاک بھارت میچوں کی طرح ایشز کی بھی ویورشپ بھی بہت زیادہ ہے۔
رمیز راجہ کا کہنا تھا کہ کرکٹ آسٹریلیا نے 4 ملکی ٹورنامنٹ کا خیر مقدم کیا ہے لیکن بھارت اور انگلینڈ نے 4 ملکی ٹورنامنٹ سے متعلق ابھی بیان نہیں دیا۔
ایک سوال کے جواب میں چیئرمین پی سی بی کا کہنا تھا کہ پاکستان نے اپنی فول پروف سکیورٹی اور کرکٹ کی میزبانی کرنے کا ثبوت دیا ہے۔
رمیز راجہ کا کہنا تھا مجھے بھارت اور پاکستان کی معیشت کا بخوبی معلوم ہے، ہمارے پلانز پاکستان سپر لیگ کو بہتر سے بہتر کرنےکے ہیں لیکن فرنچائز کرکٹ بین الاقوامی مقابلوں کا متبادل نہیں ہو سکتی۔
پی ایس ایل میں کھلاڑیوں کی آکشن سے متعلق سوال پر چیئرمین پی سی بی کا کہنا تھا کہ پاکستان سپر لیگ کو آکشن کی جانب ضرور لے کر جائیں گے۔
یاد رہے کہ ابھی پی سی بی نے پی ایس ایل میں کھلاڑیوں کی فروخت کے لیے مختلف کیٹیگریز بنا رکھی ہیں۔
مزید خبریں :
کراچی پریمیئر لیگ ملیر ڈولفنز نے جیت لی
9 گھنٹے پہلے
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
حارث رؤف نے ٹی ٹوئنٹی انٹرنیشنلز میں اہم اعزاز اپنے نام کرلیا
17 نومبر ، 2024
سلیکشن کمیٹی کے بعد محمد یوسف کوچنگ سے بھی الگ ہوگئے
16 نومبر ، 2024
آسٹریلیا نے دوسرے ٹی ٹوئنٹی میں پاکستان کو 13 رنز سے شکست دے دی
16 نومبر ، 2024
