06 اپریل ، 2022 
اسمبلی سیشن کہیں پر بھی بلاسکتے ہيں، ڈپٹی اسپیکر پنجاب اسمبلی
06 اپریل ، 2022
پنجاب اسمبلی کے ڈپٹی اسپیکر دوست محمد مزاری نے کہا ہے کہ اسمبلی سیشن کہیں پر بھی بلاسکتے ہيں۔
پنجاب اسمبلی کے باہر میڈیا سے گفتگو میں دوست محمد مزاری کا کہنا تھاکہ میں نے قانونی ماہرین سے مشاورت کی تو انہوں نے کہاکہ آج کی تاريخ میں الیکشن کروائيں۔
ان کا کہنا تھاکہ صوبے میں گھنٹہ بہ گھنٹہ صورتحال بدل رہی ہے، یہ بوکھلاہٹ کا شکار ہیں، صوبے میں اس وقت خلا کی پوزيشن ہے، کوئی چیف ایگزيکٹو نہيں۔
دوست محمد مزاری کا کہنا تھاکہ شہباز گل بہت بڑے جھوٹے ہیں۔
ایک سوال کے جواب میں ان کا کہنا تھاکہ اسبملی سیشن کہیں پر بھی بلاسکتے ہيں۔
خیال رہے کہ پنجاب میں آئینی بحران ہوگیا ہے اور اسمبلی اجلاس کے حوالے سے صورتحال گومگوں کا شکار ہے تاہم اپوزیشن نے مقامی ہوٹل میں علامتی اجلاس طلب کرلیا ہے۔
