10 اپریل ، 2022 
پاکستان
وفاقی وزراء عمران خان سے ملنے پی ایم ہاؤس پہنچے تو پتا چلا کہ اب یہاں کوئی نہیں ہے۔ فوٹو: فائل
عمران خان جاتے جاتے اپنے وزراء کو بڑا سرپرائز دےگئے
10 اپریل ، 2022
عمران خان وزیراعظم ہاؤس سے جاتے جاتے اپنی حکومت کے وفاقی وزراء کو بڑا سرپرائز دے گئے۔
گزشتہ روز قومی اسمبلی میں تحریک عدم اعتماد کی کارروائی کا آغاز ہوتے ہی عمران خان نے رات کے اندھیرے میں وزیراعظم ہاؤس چھوڑ دیا۔
عمران خان بنی گالا روانگی سے پہلے وزیراعظم ہاؤس کے عملے سے ملاقات کی جبکہ سابق وزیراعظم کا ذاتی اسٹاف بھی وزیر اعظم ہاؤس سے چلا گیا۔
عمران خان وزیراعظم ہاؤس جاتے جاتے وفاقی وزراء کو بھی بڑا سرپرائز دےگئے، وفاقی وزراء اسد قیصر، شاہ محمود قریشی، فواد چوہدری اور شیریں مزاری عمران خان سے ملنے پہنچے تو پتا چلا اب یہاں کوئی نہیں ہے، تمام وزراء اور معاونین کی پی ایم ہاؤس میں داخلے پر پابندی عائد کر دی گئی۔
