18 اپریل ، 2022 
رنبیر اور عالیہ کو شادی پر کونسے اداکار نے کیا تحفہ دیا؟
18 اپریل ، 2022
گزشتہ ہفتے شادی کے بندھن میں بندھنے والے اداکار رنبیر کپور اور عالیہ بھٹ کو بالی وڈ انڈسٹری کے نامور اداکاروں کی جانب سے قیمتی تحائف دیےگئے جس کی تفصیلات بھارتی میڈیا نے جاری کی ہیں۔
آئیے دیکھتے ہیں عالیہ اور رنبیر کی شادی پر کس نے کیا تحفہ بھجوایا؟
کترینہ کیف:
ماضی میں رنبیر کپور اور کترینہ کیف کے معاشقے کی خبریں خوب منظر عام پر آئیں اور یہ بھی کہا جاتا رہا کہ دونوں اداکار ایک دوسرے کے ساتھ گہرے تعلقات میں ہیں لیکن دونوں کا تھوڑے ہی عرصے میں بریک اپ ہوگیا۔
کترینہ کیف نے عالیہ بھٹ کو 'پلاٹینم بریسلٹ'تحفے میں دیا ہے جس کی قیمت 'ساڑھے 14 لاکھ' بھارتی روپے بتائی گئی ہے۔
دیپیکا پڈوکون:
دیپیکا پڈوکون نے عالیہ اور رنبیر کو 'رِسٹ واچز' بھجوائیں جن کی قیمت '15 لاکھ' بھارتی روپے ہے۔
پریانکا چوپڑا:
اداکارہ پریانکا چوپڑا نے عالیہ کو 'ہیروں کے ہار' کا تحفہ دیا ہے جس کی مالیت '9 لاکھ' بھارتی روپے بتائی جارہی ہے۔
سدھارتھ ملہوترا اور ورون دھون:
عالیہ بھٹ کے ساتھ فلم 'اسٹوڈینٹ آف دی ایئر' میں ڈیبیو کرنے والے سدھارتھ ملہوترا اور ورون دھون نے بھی اداکارہ کو تحائف بھیجے۔
سدھارتھ نے '3 لاکھ' روپے کا 'لگژری ہینڈ بیگ' جب کہ ورون نے معروف برانڈ 'گوشی' کے 'سینڈلز 'بھیجے جن کی قیمت '4 لاکھ' روپے ہے۔
