26 اپریل ، 2022 
ایشیا کپ ہاکی کے شیڈول کا اعلان، پاکستان اور بھارت ایک ہی گروپ میں شامل
26 اپریل ، 2022
ایشیا کپ ہاکی ٹورنامنٹ 2022 کا شیڈول جاری کردیا گیا ہے، ٹورنامنٹ 23 مئی سے انڈونیشیا کے شہر جکارتہ میں ہوگا، پاکستان اور بھارت ایک ہی گروپ میں شامل ہیں۔
ایشین ہاکی فیڈریشن نے انڈونیشیا کے شہر جکارتہ میں 23 مئی سے یکم جون تک کھیلے جانیوالے ایشیا کپ ہاکی کے میچز کا شیڈول جاری کردیا ہے۔
ایونٹ میں شریک ٹیموں کو دو پول میں تقسیم کیا گیا ہے ۔ پول اے میں بھارت، جاپان، پاکستان اور انڈونیشیا جبکہ پول بی میں ملائیشیا،کوریا، عمان اور بنگلہ دیش شامل ہیں۔
پاکستان اپنا پہلا میچ 23 مئی کو روایتی حریف بھارت کے خلاف کھیلے گا۔ پاکستان کا دوسرا میچ 24 مئی کو انڈونیشیا کیخلاف جبکہ تیسرا میچ 26 مئی کو جاپان خلاف ہوگا۔
ابتدائی مرحلے کے بعد دونوں پولز کی دو دو ٹاپ ٹیمیں سپر فور راؤنڈ کیلئے کوالیفائی کریں گی جن کے درمیان میچز 28، 29 اور 31 مئی کو ہوں گے۔ سپر فور کی دو ٹاپ ٹیمیں یکم جون کو فائنل کھیلیں گی، ایونٹ میں بھارت اپنے اعزاز کا دفاع کرے گا۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
