02 مئی ، 2022 
پاکستان تیزی سے پانی کی شدید قلت کی طرف بڑھنے لگا
02 مئی ، 2022
پاکستان تیزی سے پانی کی شدید قلت کی طرف بڑھنے لگا ہے کیونکہ شمالی علاقوں میں برف پگھلنے کی رفتار سست پڑنے کے باعث دریاؤں میں پانی کی آمد کم ہوگئی۔
ارسا کے ڈائریکٹر آپریشنز خالد ادریس رانا نے جیو نیوز کو بتایا کہ تربیلا ڈیم اور چشمہ بیراج کئی ہفتوں سے ڈیڈ لیول پر ہیں۔
انہوں نے بتایا کہ خریف کے لیے پانی کی قلت تخمینے سے بھی 22 فیصد اوپر چلی گئی ہے، پانی کی قلت کا تخمینہ 29 فیصد تھا جو 51 فیصد تک پہنچ گیا ہے جس سے کپاس، گنا اور دیگر فصلوں سمیت باغات کے متاٺر ہونے کا خدشہ ہے۔
ان کا کہنا تھا کہ پانی کی قلت کی بنیادی وجہ گزشتہ تین سال سے موسمیاتی تبدیلی ہے، اسکردو کا درجہ حرارت کم رہنے کے باعٽ برف نہ پگھلنے سے دریاؤں میں کم پانی آیا ہے، یہی صورتحال برقرار رہی تو جنوبی پنجاب اور سندھ میں پینے کے پانی کے مسائل پیدا ہو سکتے ہیں تاہم اب کچھ درجہ حرارت بڑھنے سے پانی کی آمد تھوڑی سی بڑھی ہے۔
ڈائرکٹر ارسا نے بتایا کہ سندھ اور پنجاب کو پانی کی سپلائی کم کی گئی ہے، اس وقت پنجاب اور سندھ کو ضرورت سے تقریباً آدھا پانی دے رہے ہیں۔
