12 مئی ، 2022 
چیئرمین پی سی بی کے ستمبر 2021 کے بعد سے اخراجات سامنے نہ آ سکے
12 مئی ، 2022
چیئرمین پاکستان کرکٹ بورڈ (پی سی بی) رمیز راجا کے اخراجات ستمبر 2021 کے بعد سے سامنے نہ آ سکے۔
احسان مانی کے دور میں چیئرمین کے اخراجات ویب سائٹ پر اپ ڈیٹ کیے جاتے تھے جبکہ احسان مانی کے دور سے پہلے کے سربراہان کے اخراجات بھی پی سی بی کی آفیشل ویب سائٹ پر موجود ہیں۔
رمیز راجا نے ستمبر 2021 میں بطور چیئرمین پی سی بی اپنی ذمہ داریاں سنبھالیں اور ان کے ستمبر میں ابتدائی دنوں کے اخراجات ویب سائٹ پر اپ ڈیٹ کیے گیے تھے لیکن ستمبر کے بعد اخراجات جاری کرنے کا سلسلہ روک دیا گیا۔
ذرائع پی سی بی کا کہنا ہے کہ ابتدائی دنوں کے اخراجات منظر عام پر آنے کے بعد رمیز راجا نے مزید اخراجات ویب سائٹ پر اپ ڈیٹ کرنے سے روک دیا۔
ذرائع کا بتانا ہے کہ سابق چیئرمین احسان مانی کی خواہش پر اخراجات ویب سائٹ پر دیے جاتے تھے جبکہ قانونی اور آئینی طور پر اخراجات جاری کرنا ضروری نہیں ہے، یہ چیئرمین کی صوابدید ہے کہ اخراجات جاری کریں یا نہ کریں۔
ذرائع کے مطابق موجودہ چیئرمین پی سی بی نہیں چاہتے اس لیے ستمبر کے بعد اب تک اخراجات اپ ڈیٹ نہیں کیے گئے۔
مزید خبریں :
کراچی پریمیئر لیگ ملیر ڈولفنز نے جیت لی
11 گھنٹے پہلے
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
حارث رؤف نے ٹی ٹوئنٹی انٹرنیشنلز میں اہم اعزاز اپنے نام کرلیا
17 نومبر ، 2024
