13 مئی ، 2022 
نئے سینٹرل کنٹریکٹ میں کرکٹرز کے معاوضے بڑھانے کا فیصلہ
13 مئی ، 2022
پاکستان کرکٹ بورڈ نے کھلاڑیوں کے نئے سینٹرل کنٹریکٹ میں معاوضے بڑھانے کا فیصلہ کیا ہے۔
قومی کرکٹرز کے نئے سینٹرل کنٹریکٹ میں ایمرجنگ کیٹگری میں کھلاڑیوں کی تعداد بڑھانے اور دو فارمیٹس ریڈ بال اور وائٹ بال کرکٹ میں کنٹریکٹ دینے کی تجویز سامنے آگئی۔
پاکستان کرکٹ بورڈ کے مطابق نئے سینٹرل کنٹریکٹ کے حوالے سے اس ہفتے تک متعدد میٹنگز ہوئی ہیں اور کئی ایک تجاویز سامنے آئی ہیں اور ابھی مشاورتی عمل جاری ہے۔
ایک تجویز کے مطابق ریڈ بال اور وائٹ بال فارمیٹ کے لحاظ کنٹریکٹ دینے کی تجویز ہے، کھلاڑیوں کو دو فارمیٹس کے لحاظ سے کنٹریکٹ دینے کی بات ہو رہی ہے۔
ایمرجنگ کیٹیگری میں کھلاڑیوں کی تعداد بڑھانے کی بھی تجویز ہے۔ ابھی ایمرجنگ کیٹیگری میں تین کھلاڑی شامل ہیں، آئیکونک کھلاڑیوں کیلئے فنڈز بنانے کی تجویز ہے تاکہ فنڈز سے انہیں پیسے دیے جائیں اور وہ کم سے کم لیگز کھیلیں اور اس سے سرکردہ کرکٹرز کے ورک لوڈ کو مینیج کیا جا سکے۔
پی سی بی کا کہنا ہے کہ قومی کرکٹرز کے معاوضے دنیا کے دوسرے کرکٹنگ ممالک کے مقابلے میں کم ہیں اس گیپ کو کم کرنا ہے اور اس کی کوشش کافی عرصے سے جاری ہے، اس مرتبہ بھی نئے کنٹریکٹس میں کھلاڑیوں کے معاوضوں میں لازمی اضافہ کیا جائے گا۔
مزید خبریں :
کراچی پریمیئر لیگ ملیر ڈولفنز نے جیت لی
11 گھنٹے پہلے
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
حارث رؤف نے ٹی ٹوئنٹی انٹرنیشنلز میں اہم اعزاز اپنے نام کرلیا
17 نومبر ، 2024
سلیکشن کمیٹی کے بعد محمد یوسف کوچنگ سے بھی الگ ہوگئے
16 نومبر ، 2024
